As salam o alaikum
w.r.w.b
Roze juma Mubarak baad
Mahe shawwal ki 8 tarikh
ko Saud ki aulad ne qabrastan e baqi me maujood ayimma aur ashabe
paighambar(s.w) ki qabroN ko mismar kar
dala .
Aale Muhammad(a.s) ke
dushmanoN ka na ye koyi pahla karnaama tha aur na hi akheri hai , balki khuda
ki taraf se di huwi muhlat ko apne gunahon par pashemani ke bajaye zulm o jenayat ke zariye barbad kar
rahe haiN aur anqareeb ane wala ayega aur unke zulm ka khatma kar ke inko inke
kaifare kirdar tak pahuncha dega .
Beshak ye log us din ko
door samajh rahe haiN lekin hame wo din bahut nazdik nazar aa raha hai .
Khuda jald az jald hamare
IMAM ko Zahir farmaye aur ham apni ankhon se in zalimon ka anjam dekheN . aameeen
Dua E Nudba
فقال و الملا امامه من کنت مولاه فعلی مولاه
“ Nabi(s.w) ne aik bhare
majme ke samne farmaya ki mai jis ka maula hon Ali(a.s) bhi uske maula hain “
Ghadeer khum me jis waqt
Nabi e kareem (s.w) Maula ALI(a.s) ki welayat ka elan farmaya us wqt wahan par
kitne log musalman maujod the .
Rewayat me 1300 se lekar
120000 tak ki tadad likhi gayi hai .
1. allama ibne shaher ashob ne IMAM
BAQIR (a.s) se rewayat ki hai ki ghadeer me maujod logon ki tadad 1300 thi . tafsir
furat kufi me bhi yahi tadad naql ki gyi hai .
2. tafsir ayashi me, sure mayeda ki 67ayet ke zail me IMAM
SADIQ(a.s) se rewayat hai ki ghadeer me logon ki tadad 10000, thi , 5000 log
madine se nabi ke sath gye the aur 5000 ki tadad haj se wapas hone wale
musalmano ki thi jo nabi ke sath sath us maqam tak aye the .
3. Ayashi ne sure mayeda ki 55 ayet ki tafsir me Safwan e
jammal ke waste se IMAM SADIQ(a.s) se naql kiya hai ki ghadeer me logon ki
tadad 12000 thi .
Sath hi is bat par tajjub ka izhar kiya hai ki insan ke pass
do gawah hon to apna haq hasil kar leta hai lekin Ali(a.s) ke pass 12000 gawah
the lekin unko haq se mahrom kar diya gaya .
4. Kitab jameul
akhbar ke muwallif ne baz rewayat ki bena par logon ki tadad 17000, likhi hai ,
jis me 5000 madine wale the aur 12000 hazar yaman ke rahne wale the .
5. Ibne jubar ya ibne jubair ne kitab nahjul iman me 60000,
tadad likhi hai .
6. Marhoom tabarsi (r.a) ne IMAM BAQIR(a.s) se manqol rewayat
ki bena par 70000 hazar ki tadad likhi hai
7. Ibne jubair ne baz tarikhon ki bena par 86000 afrad ki
tadad bhi naql ki hai .
8. Abdul malik asimi shafayi ne 90hazar ya 114 hazar ki
tadad likhi hai .
9. Ibne joozi ne 120000 hazar ki tadad bhi naql ki hai lekin
is qaul ka makhaz koyi rewayat ya tarikh nahi hai .
Tadad jo bhi mani jaye lekin is haqiqat se inkar nahi kiya
ja sakta ki jab Amirul momeneen(a.s) ka haq ghasab huwa to koyi gawahi ke liye
khada nahi huwa , yahan tak ki janab Fatema Shaheed ho gayiN .
Welayat ko sirf zaban se manna kafi nahi hai balki wali ki
nusrat ke liye qiyam zarori hai , agar ham apne zamane ke wali ki nusrat ke
liye tayyar hote to aaj aanhazrat ke Zuhoor me takhir na hoti .
Parwardegar hame taufeeq de ki ham waise ho jayen jaise
hamare IMAM chahte haiN .
Aameen
Iltemas e dua e Zuhoor
S. Haider Abbas Rizvi
Mumbai